- Si eshte dashuria?
- Kur largohesh prej saj, afrohesh më tepër. Kur afrohesh, largohesh nga realiteti. Kur mendon, nuk mund të logjikosh. Kur ëndërron, nuk fle dot. Kur fle, vetëm ëndërron. Kur merr frymë, genjehesh nga vete shqisat e tua duke menduar qe frymë erën e saj merr, kudo. Kur tenton të shkëputesh, këputesh. Kur xhelozon, ferr lëshon. Kur nuk merr përgjigje, ç’do pyetje të çmend. Kur çmendesh, ik. Kur ik, s’mund të rrish pa u kthyer. Pastaj të tjerët të flasin për logjikën. Të thojnë që imagjinata është kaq e rrezikshme, e që në dashuri është një djall i vërtetë.
- Me të vërtëtë kështu është?
- Jo. Më keq!
- Si mund të shpëtosh nga ajo?
- Epo, se di. Është një burg nga i cili asnjë nuk ka mundur të arratiset. Në fakt tē gjithë e dinë rrugëdaljen. Thjesht s’duan. S’munden, nuk kanë guxim. Nuk ja ke idenë se sa pak guxim qëndron në zemrën e një të dashuruari kur bëhet fjala për arratisje, i vetëm.
- Po nëse është ajo që largohet?
- Nëse është ajo që largohet, duhet të paktën të përpiqësh të mos u largosh ti nga vetja.

Нравится 5